ب بەرهەڤبوونا سەرۆک زانکۆیێن زاخۆ و دهۆک و هەرسێ مامۆستایێن زانکۆیا زاخۆ بەردەوامی ب پڕۆژەیێ (ڕێبەرێ ڕاستنڤیسا زمانێ کوردی ـ زاراڤێ کرمانجی ب ئەلفبێیا عەرەبی) هاتە دان.

ڕۆژا سێشەمبێ ڕێـککــەڤتی (٢٠٢٥/٠٦/١٧)ـێ ب ئامادەبوونا  سەرۆکێ زانکۆیا زاخۆ ڕێزدار (پ.د. دیار عبدالکریم سعید) و سەرۆکێ زانکۆیا دهۆک (پ.هـ.د. داود سلێمان ئەتروشی) و هەرسێ مامۆستا و بسپورێن زمانی یێن زانکۆیا زاخۆ (پ.د. عبدالسلام نجم الدین عبدالله) و (پ.هـ. د. دلبرین عبدالله علی) و (پ. هـ. د. شورەشڤان عادل احمد) و کۆمەکا شارەزایێن دەڤەرا بەهدینان، بەردەوامی ب پڕۆژەیێ (ڕێبەرێ ڕاستنڤیسا زمانێ کوردی ـ زاراڤێ کرمانجی ب ئەلفبێیا عەرەبی) هاتە دان.
د ئەڤی پڕۆژەیدا بڕیار ل سەر گەلەک بابەتان هاتە دان و گەلەک ئەنجامێن باش بدەستڤەهاتینە. پشتی پێداچوونەکا دیتر ل پڕۆژەی دهێتە کرن، پڕۆژە دێ کەڤیتە د خزمەتا دەڤەرێ دا.